فاطمیه
گدای درگه زهرا : تا نفسيم وار ديرم يا حسين...

در آرزوی زیارت قبر حضرت امام حسین

اولموشام مدّتدی قبروندن حسین دور آغلارام

اؤلسم گلّـم اورکـده وار بو منظور آغلارام

هر کس اولدی دهرده بیر مه‌لقانون عاشقی

منده اولدوم بیر حسین بیر کربلانون عاشقی

رسمدور عاشق اولار نی ‌تک نوانون عاشقی

اولموشام سر پنجۀ عشقونده مقهور آغلارام

غصّه‌دن قانیله دولموش گؤگلومون پیمانه‌سی

اولموشام عشقونده من بیر نحویله غم خانه‌سی

آدیمـی سسلـر حسینیلـر حسیـن دیوانه‌سی

ایلیوب عشقون منی دیوانه مشهور آغلارام

من گدا سن بیرجه شاهنشاه گردون بارگاه

گیزلین عشقیـم وارسنه آگه‌سن ای سرّالاه

گر گدا شاهـه اولا عاشـق دگول شاها گناه

عشق جرم اولسا وارام جرمومده معذور آغلارام

من گنهکاری آقا درک ایتممیش پیک اجل

گوشۀ چشمیله بیـر لطف ایله ای صبح ازل

یا منی اِیسته گلیم یا جان‌ویرن وقتیمده گل

گورسون عزرائیل الیمده واردی منشور آغلارام

گر منـی ایتسـه مَخَیّـر کـردگار ذوالمنن

کربلانی ایستوسن یا روضۀ رضوانی سن

ایسترم کربوبلانـی نیلـورم فردوسی من

قبـروه قـالام مجاور تـا دم صور آغلارام

ایلورم بیر عمر دور شش‌گوشه قبرون آرزو

طوف ایدم قبرون قیلام اشگیله گردین شستشو

محشـره بـو خدمتیلـه اَخـذ ایدم بیـر آبرو

اولماسام بو خدمته ای‌شاه مأمور آغلارام

بیرده گورسیدیم اگر بالای سرده دورموشام

کاسۀ چشمی سرشگ چشمیله دولدورموشام

اکبـره پائیـن پــا ده بـزم ماتـم قورموشام

فاش ایدوب قویمام قالا بوعشق مستور آغلارام

رحـم ایلــه بـو بی‌پناهیـن دیـدۀ گریانینه

قویما ممزوج اولسون اشگ حسرتی دل قانینه

گؤگلوم ایستور قبرووی آند اُولسون اکبرجانینه

یئتمسم وصله گوزومده واردی تا نور آغلارام

نیلیـوم یتمـور الیـم ای شهریــار مستظام

بوینی چگننده دوروب ویرّم اوزاقدان بیرسلام

السّلام ای جان‌ویرن کرب و بلاده تشنه‌کام

ایلـرم قبـرون مجسم زار و رنجور آغلارام

السّلام ای حق یولوندا جاه و عزّتدن گیچن

السّلام ای سو یرینه لخته لخته قان ایچن

السّلام ای اوز الیلـه اوغلونا خلعت بیچن

وصل اکبردن ایدن لیلانی مهجور آغلارام

السّلام ای سو ویرن قانی ‌بلا صحراسینه

السّلام ای آدی زینت هـر بلا طغراسنیه

السّلام ای غرق اولان کشتیسی قان دریاسینه

سالدی ساحلدن مخالفلر سنی دور آغلارام

السّلام ای ذات پاک کردگارین مظهری

السّلام ای لفظ ثاراللهین عالی مصدری

السّلام ای «وِتر مَوتورون» مترجم مضمری

قان ایدوب گوزیاشیمی بیر «وِتر مَوتور» آغلارام

السّلام ای سو کنارینده لب عطشان جان‌ویرن

السّلام ای قوملار اوسته جسمی بی‌غسل و کفن

السّلام ای نیزه‌ده گون تک‌ باشی شامه گیدن

یاد ایدوب احوالووی ای نَحْری منحور آغلارام

السّلام ای مَصْرعی قانیله دریا تک دولان

السّلام ای غسلی قانی توپراقی کافور اولان

السّلام ای نعشی اوسته زینبی زلفون یولان

زینب آدی آرتورور باشیمده مین شور آغلارام

مُلتجی دور بو «حسینی» یا حسین آگاهسن

بیر گدای رو سیه دورسن سَخی بیرشاهسن

ای «قَتیل العَبْره» اشگ چشمه خاطرخواهسن

ایستورم سنلن اولام محشرده محشور آغلارام

شاعر:حسینی (سعدی زمان)


اوّل محرّم

دوتوب ماتم بو آی پیغمبر آغلار

دیر زهرا حسین وای حیدر آغلار

باتوب یاسه بـو آیدا کون و امکان

چیخوب عرشه بو آیدا داد و افغان

اولون شیعه بـو آیـدا سیزده نالان

بـو ماتــم‌‌ده بتــول اطهر آغلار

گرک شیعه بو غمده داده گلسون

ویروب سس زینبه امداده گلسون

دمـادم آغلیـوب فریــاده گلسون

بو غمده یئرلر آغلار گؤیلر آغلار

تؤکر صاحب زمان قانیاش عذاره

یئتـر غـم دمبـدم اول دلفــگاره

گلـر شوریلـه هــر دم آه و زاره

مدام اوز جدینّه اول سرور آغلار

بو آی چوخ ظلم ایدوبدور قوم کافر

باتوبـدور قانینــه شهــزداده اکبـر

اولـوب مجنـون غـم لیلای مضطر

دیر ایوای اوغول اُول مضطر آغلار

بو آی زینب دوتوب دلدن شراره

اولـوب قـاسم وجـودی پاره‌پاره

آناسـی باغلیوبــدور باشـه قاره

او قـاره‌گون توکـر اشگ تر آغلار

کسوب سو یولاریـن قـوم بداختر

سولوب سوز عطشدن غنچه گل‌لر

اَل اوسته اوخلانوبدور تشنه‌ اصغر

اوخ آغـلار یاره آغـلار اصغر آغلار

بو آی اولـدن حسینین عالمـی تار

بو آی جـان ویـردی عباس وفادار

سالوب قوللارینی سو اوسته اشرار

حسین وای قارداشیم وای سویلر آغلار

بو آی آغلار قالوبدور آل یاسین

باتوبــدور قانـه انصـار شه دین

اولـوب دشت بلا قانیلـه رنگین

ایدوبـدور قان ترابی احمر آغلار

بو آی زینب گرفتار غم اولدی

پیمبر گلشنی بو آیدا سولدی

دیـار کربــلا قانیــله دولدی

اوقاندان قانه دؤنموش دللر آغلار

بو آی قالـدی شـه لب تشنه یالقوز

یانوب دلدن او قارداشسیز اوغولسوز

وورولـدی قلبینـه بیـر تیــر دلدوز

او زخـم تیـره زخم خنجر آغلار

حسینی ییخدی آتدان اهل کوفه

اولوب آمـاج گـل جسمی سُیوفه

دوشوب قان پرده‌سیندن گون کسوفه

سپـهر دینـه مــاه انـور آغـلار

دیموب قاتل حسین بی‌یار و کسدی

قفــادن باشینـی لـب‌تشنـه کسدی

دوتولدی گون یوزی قاره یِل اسدی

بـو حالـه گویلـر آغـلار یئـرلر آغلار

دوشوب گُل پیکری توپراقلار اوسته

گُل آچمیشـدی یارالار دسته دسته

گلــوب بیـر دستـه بلبل دلشکسته

ایدوب اول گل وجودی منظر آغلار

 

شاعر:تایب  

 

به مناسبت ماه محرّم‌الحرام

 

«حسینه یرلر آغلار گویلر آغلار

بتول و مرتضی، پیغمبر آغلار»

حسینـون نوحـه‌سین «دلـریش» یازاندا

مسلمـان سهلدیـر کــه کافـر آغـلار

کوراولمیش گوزلرین قان دوتدی شمرین

کی گؤروسون اؤز الینده خنجر آغلار

حسینــون کؤینگــی زهــرا الینــده

چکـر قیحــا قیـامت، محشـر آغـلار

آتانـــدا حرملــه اوخ کــربـــلاده

گؤریدین دشمـن آغـلار، لشکر آغلار

قـوجاقینــدا، گؤریــدین امّ لیـــلا

آلــیب نــعش علــیّ‌اکبــر آغـــلار

 

رباب، نیسگیل دؤشونده سوء گؤرنده

علــیِّ‌اصغــری یــاد ایلــر آغـــلار

باشینــدا کاکــل اکبــــر هـــواسی

یل آغـلار، سنبـل آغـلار، عنبر آغلار

یازانـــدا آل طــه نوحـه‌سین مــن

قلـم گـوردوم سیزیلـدار، دفتـر آغلار

علـی، شقّ‌القمـر محـراب تیلیت قان

قولاق وئر، مسجد اوخشار منبر آغلار

علیــدن، شهریــار، سن‌بیــر اشـاره

قوجاقــلار قبـری، مالک‌اشتـر آغـلار

 

شاعر: شهریار

 

به مناسبت ورود ماه‌ محرّم‌الحرام

 

ای شیعه بو آی نظم سماوات پوزولدی

چون قائمه عرش و حجابات پوزولدی

بو آیدا دوشوب محنت و غم عالم آرایه

آز قالـدی که عالـم گیده ای شیعه فنایه

قاره گِینوب چـون بولونوب اهل ولایه

بـو امـر که تهلیلده اثبات پوزولدی

گویـا ویریلـوب بـو خبــر عُبّاد جهانه

بو آیدا گرک گوز یاشی گلسون سَیَلانه

طاعتدو بو گوز یاشی گلور بیله گمانه

زاهده‌لر چون رونق طاعات پوزولدی

شیعه اولانون چشمی گرک قانیله دولسون

عِشرت گلی غمدن هامی آفـاقده سولسون

مستانـه خراباتـده هـم بیـرخبـر اولسون

بی پیر قالوب بزم خرابات پوزولدی

بیر قافله بیر حجّه طواف ایتدی بوآیدا

کیم عشقدی معشوقدی بو کعبه سراپا

اوز نفس‌لَرین ویردیله قربان بیله گویا

احـرام منـا رونـق میقات پوزولدی

بیـر آینـه کیـم جلوه‌لنـوردی لَمَعـاتی

عاشقلـره مأخوذیـدی حقـدن قَبَساتی

ایتمیشدی ظهور اوندا خداوند صفاتی

ظلمیله یتوب سنگ بومرآت پوزولدی

بو حالت ایـدر شیعه‌نی زینب‌کیمی محزون

کیـم دورموشـودی خیمـه قباقنده اوخاتون

بیر یانه باخوب گورمدی قارداشین او مفتون

بیریاندا هـم اوَّلکـی علامات پوزولدی

ناگه کـه قشون گوردی گلـور دسته‌به‌دسته

یغما ایچون الده دوتوب اود خیمه‌لر اوسته

سسلندی که وای اولدی امیدیم یولی بسته

یوخسا ندوگیم نظم جماعات پوزولدی

یـوز قتلگهـه دوتــدی او محزونۀ افکار

سسلندی که آیا گوروسن یا خبرون وار

کیم خیمه‌لره گلدی هامـی قوم ستمکار

اطفالـدن الغـوث که حالات پوزولدی

بیر دمده که ایتمیشدی اوشه سجدۀ تعفیر

معشوقـه ایدوب عاشق کامل سسی تأثیر

سسلندی حزین لیک تاپوب حالتی تغییر

بیر نوعیله کیم حالت ذرّات پوزولدی

بی‌طاقت اولوب چون سورونوب ایستدی گلسون

وقت اولدی کـه طاقت ایپی زینبدن اوزولسون

سویلوب دگلم بـو ایشه راضی باجون اولسون

گلمه داخی‌کیم زینت جنّات پوزولدی

اول وقتدن افغان که گوروب زینب مستور

بیـر نـور خداونـده اولوب نیزه باشی طور

مـات اولـدی کـه آیا نــدو بو نورٌعلی‌نور

مِصباحدو بو یوخسا که مشکات پوزولدی

وَجهُ‌الله و یا آیت حقـدور اوخـور آیت

دلـدار نواسیلـه قـوروب مَحفل طاعت

زلفون داغدوب سویلدی برپادو نه آیت

کیم دهرده صفحاتدن آیات پوزولدی

یازمـا داخی مادح ایلمز خـامه کفـایت

البتّـه کـه بی‌اجـر دگل ایتمـه شـکایت

سویلر سنه محشر گونی اول‌ شاه ولایت

غم ایتمه که دیوان خطیئات پوزولدی

 

شاعر:حالی

 


ورود به کربلا

چون دشت بلا منزل اولوب میرحجازه

زینب او زمان گؤزیاشینـا وئردی اجازه

عرض ایلدی قارداش ندن اولدون بیله دلگیر

تاپــدی نیــه رنــگ شریفــون بیله تغییر

نـه باعـث اولـوب آهـون ائدر عالمه تأثیر

کشف ایله کونول سرینی بو محرم رازه

وجهی ندی قارداش ساری گل‌تک سارالیبسان

من دربـدر عشقـی غـم و درده سالیبسان

زینـب سنـه قربـان نیـه بو حاله قالیبسان

آرتار سنه باخدیقجا غم اوستن غم تازه

بـو دشـت غـم افزادی مگر عشق مناسی

بیر اوزگـه هوادیر گورورم آب و هواسی

باشدان بولورم وار باشیمون چوخلی بلاسی

جـان اول منزیلده نولور گئتسه گدازه

شــاه شهــدا آچــدی لب لعل گهربار

فرمایش ائدوب زینبه کی خواهر غمخوار

صحرای بلادور بو دولانمـاز بـورا اغیار

بیگانه‌نـی قویمـازلا گیـره مجلس رازه

بوردا یاتاجاق قانه باجی گل کیمـی قانلار

ناحق یئره بوچولدن آخار سو کیمی قانلار

میـن شوقلـه باشین وئری بوتازه جـوانلار

عریان قالی یئتمیش ایکی صدپاره جنازه

بو چولده باتار قانه گل سنبل اکبر

لیـلا اولــی دیوانـه برای دل اکبر

بو نوعیلن آشفته اولور کاکل اکبر

عشق اهلی دوشر آرزوی دور و درازه

بـو یئـرده باتـار یاسـه باجی قاسم آناسی

بیر گونده اولور اوغلونین آخر طوی و یاسی

دامادین اولور طوی گونی اوز قانی حناسی

حسرت قالـو بیچـاره گلین حجلۀ نازه

عباسی گـورورسن چکیلیب قـدی علم تک

هر درد و غمین بیر یانا ای باجی بو غم تک

ظلمیله دوشر قوللاری بیـر جفت قلـم تک

صدحیف او اوزون قده او بازوی درازه

وار اؤزگه مصیبت چوخ ائدر قلبوه تاثیر

گلمــز دیلـه امـا ائـدرم رمزیله تقریر

منــده دییــرم نیــزه‌ده آوازیلـه تکبیر

باش‌سیز دورارام اونداکی قان ایچره نمازه

صراف آت اوز نقدوی کسب زر دیـن ائت

بول قدرینی یاز نوحه سوزون درّ ثمین ائت

تأییـد حسیـن اولیمـه هـر کیمده یقین ائت

مشکلدی قلم صفحیه بیر کلمه‌نی یازه

 

شاعر:صراف

 

در شهادت حضرت مسلم‌ابن‌عقیل

 

کوفـه‌ده بیـر محتـرم قائم‌مقـام اؤلدوردولر

حقّ امامه عاقّ اولوب نائب امام اؤلدوردولر

مسلمه بیعت اَلیـن اوّل ویروب خُرد و کبار

باغلیـوب پیمـان و عهـد اُول فِرقۀ بی‌اعتبار

حیف و صد افسوس او عهدی بی‌وفالر پوزدولار

معنی پیمان و عهدی بالتّمام اؤلدوردولر

نصب اولوندی کوفه‌ده کفر و نفاقون بیرقی

داندیــلار علــم‌الیَقینـی عالمـاً قـوم شقی

باشلیوب عصیانه پاکوب ایتدیلر دین حقی

دیـن مطلـق نائبین قوم لئام اؤلدوردولر

اولـدی تابـع کفـر محضـه کوفیان بدشعار

پیک دین اولدورمگه باغلاندی بیللر استوار

آدلاری اسلام اولانلار ایلدی اسلامی خوار

محترم اسلامی چوخ بی‌احترام اؤلدوردولر

بی‌وفالـر باخمـادی مهمـان ایچون وار احترام

«اَکرِموالضّیف» اَمر ایدوبدور حضرت خیرالانام

سهلدور مهمان کیم اولسون نائب خاصّ امام

بـو قوناقـی امّـت خیـرالانـام اؤلدوردولر

آلدی اوچ‌یوز بیمروّت بیر غریبین دوره‌سین

ویرمدی فرصت یتورسون شاه بطحایه سسین

توکدولر قانیـن او مظلوم وحید و بی‌کسین

ظلمیلـه ناحـق یـره حقّ‌المرام اؤلدوردولر

ایتدیلر چون مسلمی بام اوسته مقتول جفا

آتدیلار نعشین یـره ایتموب بو ظلمه اکتفا

ایپ سالوب یرده سوروردی کوفیان بی‌وفا

حرمت و آداب شرع و دینی تام اؤلدوردولر

تاپدیلار جرئت ز بس اول‌قوم طغیان ایتدیلر

کربــلاده عالَمینــون قلبینـی قــان ایتـدیلر

حَقّه باطل آد قویوب بیر باطل عنوان ایتدیلر

عاقبت پیغمبر اوغلون تشنه‌کام اؤلدوردولر

چون شهید ایتدی حسینی ظاهری قرآنیان

ایتدیلـر قـرآن ناطـق باشینـی زیب سنان

قویـدولار آد خارجـی آل رسوله کوفیان

دین پاک حقّنده ایلوب فکر خام اؤلدوردولر

کوفیـه وارد اُولانــدا عتـرت شــاه نجف

کوچه‌لرده غرفه‌لرده اهل کوفه چکدی صف

آل یاسین آغلادوقجا گولدی قوم بی‌شرف

ننگ و نامـی فرقۀ بی‌ننگ و نام اؤلدوردولر

ذهنی ذهنه گلسه بو مبحثده هر قدری کلام

کوفیانیـن شـرح ظلمی تاپماز هرگز اختتام

جزء جزئیّاتـی حاشـا نظمـده تاپسون نظام

چـون نظام نظمـی قوم بدنظام اؤلدوردولر

 

شاعر:ذهنی

 

نوحه حبیب‌ابن‌مظاهر

 

اکبریم پیشوازه چیخ تزکان ایماندور گلور

گـور حبیب‌ابن‌مظاهر مرد میداندور گلور

گیـت یتورمنـدن سلامـی پیردردانه بالا

قویما قلبین بو بیاباندا اونـون محنت آلا

چون گلوبدور کربلاده دایمی مهمان قالا

خالق یکتاسینه بو یرده مهماندور گلور

تک‌به‌تک اعوان و انصاریم گیده یوخدور سوزوم

ویرمـوشم امّـا حبیبـه دعـوت پیـکار اوزوم

عاشق صادقـدی بـو کان وفـاده وار گوزوم

اُولماقا دشت بلاده دینه قرباندور گلور

ظاهــراً پیــر جهانــدور باطینــاً عـالی‌جوان

عمرونی قرآن یولوندا صرف ایدوب صبح و اذان

حکم قرآندور گلوبدور دینه ویرسون تازه قان

آستانیمـده اولان پیـر نگهبانــدور گلور

تـا یاخینـلاشدی حَبیبَـه اکبــر شاه شهید

بولدی اکبردور گلوردلدن اولوب دردی مزید

گوردی سویلور یوسف لیلا سنه واردور نوید

پیشـوازه غـم سربـاز قرآنــدور گلــور

گلماقوندان شاد اولوبدور حجّت یزدان حسین

گل سنی دعوت ایدوبدور خیمه‌یه مهمان حسین

یولیـوب اوّل سـلامی شـاه مظلومان حسین

سویلدی دینی اوجالدان پیردوراندور گلور

یولیوب بیرده سـلامی ای حبیـب عمّم سنه

زینب کبری دیـور خوش‌گلموسن بو مَأمَنه

مقدمون قربانی گتدون شور و وحشت دشمنه

قوی دیوم بیر نوگل گلزار رضواندور گلور

سـوز بـورا یتجاق حبیب‌ابن‌مظاهر آغلادی

گُوتدی باشیندن عمامه قلب زارین داغلادی

باشینه تپراق سپوپ اشگین عذاره باغلادی

سویلـدی بیر نوکر شاه شهیداندور گلور

من هارا دُخت علی ویرسون سلامی گور هارا

قلبیمـی ای شبـه طاهـا ایتدی بوسوزلر یارا

خـاک پایونـدا قبول ایتسـون اؤپَر بـو بینوا

فرقتونده دیده گریان سینه سوزاندور گلور

گلموشم دینین یولوندا منده قربان اولماقا

گـر لیاقت منـده اولسا قانه غلطان اولماقا

لطف قیلسا فاطمـه دلبنـدی دربان اولماقا

خـادم آل عبـا اولماقـه عنواندور گلور

گلموشم عصیانیمـی بو چولده من پاک ایلیم

دین یولوندا سینمه اوخلار دگوب چاک ایلیم

 یاز بهشتی گلمـدیم چوخ قلبی غمناک ایلیم

گلماقیم اعلان اولا پابند پیماندور گلور

 

شاعر:بهشتی

 

توبه حربن‌یزید‌ ریاحی

 

کربلاده حرّ ایـدوب ثابـت مقام عشقنی

اشگیله تپراقدا یازدی توبه‌نون سرمشقنی

ایلمیشـدی بیـر اوزون مدّت خداونده گناه

عقلنه ایتدی رجوع گوردی ایدوبدور اشتباه

ایتمسه توبـه اولار محشـر گونینـده روسیاه

اشگیله توپراقدا یازدی توبه‌نون سرمشقنی

عقلـی ایلـردی ملامت نفس شومین متصل

چوخ نصیحت‌لر ایدوبدور بلکه ایتسون منفعل

عاقبت اوز ایتـدقی اعمالـدن اولدی خجل

اشگیله توپراقدا یازدی توبه‌نون سرمشقنی

نور حق ایتـدی تجلـی خاطـر غمناکنه

ویـردی بیـر تغییر حالت فهمنه ادراکنه

تا اوزین سالدی شهنشاهون قدوم پاکنه

اشگیله توپراقدا یازدی توبه‌نون سرمشقنی

ایتدی فرمایش امـام آرتـورما قیـل و قالوی

باشـوی قوزا گوروم کیمسن بیلوم احوالوی

من او بدبختم دیدی قورخوتموشام اطفالوی

اشگیله توپراقدا یازدی توبه‌نون سرمشقنی

من او بدبختم یول اوسته مانع اولمشدوم سنه

من او بدبختـم سنـی تسلیم ایدردیم دشمنه

من او بدبختم خطا سنـدن گلوبـدور شیونه

اشگیله توپراقدا یازدی توبه‌نون سرمشقنی

من او بدبختم که غرق اولدوم گُنه دریاسینه

من ساتردیـم دینمـی دینسیزلـرین دنیاسینه

من او بدبختم که عاق اولمشدی اوز مولاسینه

اشگیله توپراقدا یازدی توبه‌نون سرمشقنی

من او بدبختـم خجالتـدن یوزیمی دوتموشام

من او بدبختم که جام غصّه‌دن قان اوتموشام

من او بدبختم پیمبر قیزلارین قورخوتموشام

اشگیله توپراقدا یازدی توبه‌نون سرمشقنی

من او بدبختم یوزوم قاره گناهیم چوخ ذلیل

تاپماغـا چاره قـدوم پاکـوه دوشدوم دخیل

بـو گنهـکاره اؤزون اول درگـه حقـه دلیل

اشگیله توپراقدا یازدی توبه‌نون سرمشقنی

حمدلله اولمَدیم توفیـق ویـردی حـق منه

قالمـادیم حیرت طریقنده یئتیشدیـم ایمنه

خاک پایونده توکوپ گوز یاشی یالوارام سنه

اشگیله توپراقدا یازدی توبه‌نون سرمشقنی

ایتـدی فرمایش امام ای حـرّ سـن آزاده‌سن

ایلـدون توبـه قبـول ایتـدی خدای ذوالمنن

گوردی چوخ یاخشی ثمر واردور نهال توبه‌دن

اشگیله توپراقدا یازدی توبه‌نون سرمشقنی

قوزادی باشین دئدی ای میرحق ای شاه دین

قوی گیـدوم گمره سپاهی ایلیوم آگاه دین

ویر اجـازه مـن اولـوم اوّل شهیـد راه دین

اشگیله توپراقدا یازدی توبه‌نون سرمشقنی

قوی بو صحراده لباس جنگی اوّل مـن گییم

قوی گیدیم گمره سپاهه سوزلرین حقین دییم

قوی منی بیرده خانملاردان گیدیم عذر ایستیم

اشگیله توپراقدا یازدی توبه‌نون سرمشقنی

گیتدی بیر بـاش خیمگاهه زینبه ویردی سلام

عرض ایـدوب ای سرپرست عترت خیرالانام

گلمیشم عُذر ایستیم یولدا سیزی قورخوتموشام

اشگیله توپراقدا یازدی توبه‌نون سرمشقنی

گیتدی میدانه نصیحت ایتـدی قـوم و قارداشین

جـان ویرن وقتـه امام آلدی دیزی اوسته باشین

گوردی بوحالی فرحدن توکدی گؤزدن گؤزیاشین

اشگیله توپراقدا یازدی توبه‌نون سرمشقنی

روز عاشورا سپاه کوفه چوخ مسروریدی

مـرد نصـرانی حسینـون قتلنه مأموریدی

قتلگاه کربلانی گـوردی رشگ طوریدی

اشگیله توپراقدا یازدی توبه‌نون سرمشقنی

سویلـدی سنــده یـارالی نور حقّه ناظرم

گِچ گناهیمدن منی عفو ایت پریشان خاطرم

سن کیمی قربانه قربان اولماقا من حاضرم

اشگیله توپراقدا یازدی توبه‌نون سرمشقنی

من مسیحی‌زاده، عیسی دینینون پابندیم

اهل توحیدم، خـدای لاشریکـه بنده‌یم

ایلدیم توبه گذشت ایله منی شرمنده‌یم

اشگیله توپراقدا یازدی توبه‌نون سرمشقنی

«کهنمـوئی» بنــدۀ حقـسن، ولـی آزاده‌ سن

بوینـوا گَـل سالمـا ذلّـت طوقنی دنیاده‌ سن

ایت حقیقی توبه، حرّین توبه‌سین سال یاده‌ سن

اشگیله توپراقدا یازدی توبه‌نون سرمشقنی

 

شاعر:کهنموئی

 

از زبان جناب علی‌اکبر در وداع با مادر

 

گل حلال ائیله منی، عازم میدانم آنا

بیر دقیقه سنه بو خیمه‌ده مهمانم آنا

چون وئروب سرور لب تشنه منه اذن جهاد

ائلیــوب خاطـر ناشادیمی بیـر حرفیله شاد

قالمیوب حسرتیـم عالمده بـودور عین مراد

خـاک پایونـدا فـدای ره جانــانم آنا

گلشن جسمیم اولـوب بارش پیکانه سوسوز

جد و جهدیم بودور ایندی بویانام قانه سوسوز

ایچـرم سـو، گئـدرم مجلس جانانه سوسوز

چونکه من تشنه‌لب چشمۀ حیوانم آنا

بولـورم اؤلـدوره‌جکلر منی اقراریم‌وار

هر کمینگاهده مین قاتل خونخواریم‌وار

بسکه ابـروی نگاریلـه سـر و کاریم‌وار

مایــل تیــغ کـج خنجـر برّانــم آنــا

اولموشام روز ازلده آنا، چون مایل دوست

باتـارام اینـدی قزیل قانه، برای دل دوست

سر و سامانیم اولوب سلسلۀ کاکل دوست

دئمـه بــو سلسـله‌ده بی‌ســروسامانم آنا

باغلانوب سو یولی صدشکر آچیخدور ره عشق

کربـلا دشتی اولوب محضر شاهنشه عشق

کشتــۀ عشقیلــه مملــودو قُربانگه عشق

قوی گئدوم من‌ده وئروم جان، سنه قربانم آنا

بوقــدر آغلامـا قربان اولوم آغلار گؤزوه

قانلی گؤز یاشینی بو نوعیله تؤکمه یوزوه

آناجان، صبر ائله، وئر بیرجه تسلّی اؤزوه

گؤره‌سن اوندا کیم اؤز قانیمه غلطانم آنا

دوتــا هــر کیمسه علـی‌اکبـره عالمده عزا

شه لب تشنه وئرور اجرین اونون روز جزا

یــاز دوبـاره بو سؤزی دفتـر صرّافه، رضا

گـل حـلال ائیله منـی، عازم میدانم آنا

 

شاعر: صرّاف

 

از زبان امام خطاب به جناب علی‌اکبر

 

بلشوب قانـه عجب زلف پریشانون اوغول

اولا کول باشینه سندن صورا دنیانون اوغول

سن‌ایـدون زینبیمـون مطلب و منظوری علی

قویدون آغلار گؤزیله یاخشی او رنجوری علی

دور گئدک خیمه‌یه، ای گؤزلریمون نوری علی

گؤزی یوللاردا قالوب خیمه‌ده لیلانون اوغول

سنی لب تشنه شهید ائیله‌دی بو قوم عدو

گلشن جسمیـوه وئردی دم پیکانیلـه سو

من‌ده اینـدی ائـدرم قانیله تجدید وضـو

قاریشور قانیمه بو چؤلده قیزیل قانون اوغول

مرحبــا عشقـوه ای شبـه رسول مدنی

ائتمـه‌دون محضـر جانانده شرمنده منی

یاخشی الوان ائله‌دون قانیله بو گول بدنی

سرو تک دوشدی یئره سرو خرامانون علی

محفل قربده اؤز جسمیم اولوب غیر، منه

کوفه‌دن شامه وئرور جذبۀ حق سیر، منه

بو کشاکشـده علـی منزل اولور دیر، منه

اوج ائدر ناله‌سی افلاکه مسیحانون اوغول

سینه‌می نـاوک درد و غمـه آمـاج ائدرم

زینبـون طـاقت و آرامینــی تاراج ائدرم

من‌ده بو چؤلده کسیک باشیله معراج ائدرم

قاب قوسینیم اولور طاقی کلیسانون اوغول!

سـن وفـا گلشنینون بیر گل نو رسته‌سی سن

شهـدا دستـه‌سینون عشقده سردسته‌سی سن

اولمویا من کیمی بیر سلسله پا بسته‌سی‌ سن

نگرانـدور گؤریرم دیدۀ گریانون اوغول

نـوش قیلدون ره جانانـدا بلا جامی، علی

چکه‌جکدور بو ایشین شامه سرانجامی علی

بیرجه آچ گؤزلرون ای قلبمون آرامی علی

گؤرنه احواله سالیبدور منی هجرانون اوغول

نور دیـده! بو کمـان قدیمه بیرائیله نظر

تیر آهه یارالی سینه‌می چوخ ائتمه سپر

تؤکمسه زینب مظلومه اگر اشک بصر

یانـدورور عالمـی آه دل سوزانون اوغول

ای اولان سـرو قــدی زینب میــدان بلا

کعبۀ وصلده قیلدون نه گؤزل سعی و صفا

ائیله‌دون جانوی مین شوقیله جانانــه فدا

درگـه حقّـده مقبول اولا قربـانون اوغول

آغـلا صرّافیلـه بو مجلس ماتمده رضا

گؤزیاشون خرج اولا گوهر یئرینه روز جزا

آه او دمدن بویـوروب اوغلینـه شـاه شهدا

بلشوب قانه عجب زلف پریشانون اوغول

 

شاعر:صرّاف

 

عزم میدان علی‌اکبر و تعجب اهل لشکر

 

بو جوان کیمدورالهی یکّه و تنها گلور

مـرد مردانـه بیلـه میدانه بی‌پروا گلور

حاش‌لِلّه اولمیوب اولمـاز بشـرده بوجمال

محو اولور نور جمالیندن بونون عقل و خیال

گوستروب خلقه بونیله اوز جلالین ذوالجلال

آیـۀ حُسـن المـآبه احسـن و طوبی گلور

اوج ایدر عرشه یوزوندن لَمعه لَمعه نور حق

آیـۀ نــوره حقیقتـده بـودور منظور حق

یـا گلـوب واد مقدّسده ظهوره طور حق

طور سینایه مناجاته چخوب موسی گلور

بیز بوگون دوتدوخ حسینه عرصه‌نی بیر نوع تنگ

ایلـدوخ کـرب و بلا دشتین قزل قانیله رنگ

مطلقا دوردومجی گُویدن ایلیوبدور عزم جنگ

ایتماقا نصرت حسینه حضرت عیسی گلور

یا ایدوب رجعت بوگـون دنیایه ختم الانبیا

ایلیــه اوغلـی حسینـه کربـلاده جـان فدا

تاج سبحانَ الّذی اَسری باشندا مصطفی

آیۀ اجری ایده تفسیر ذی‌القربی گلور

هاشمیلرده اگر چه حُسن چوخ تکمیل‌دور

بیـر بـه بیــر انـوار حقّـه مرکز تأویل دور

بو جوان آیا یوزوان دورت سوریه تنزیل دور

قلــب قــرآن مُبیـن یاسینیلـه طاها گلور

مصحف خطّنده قرآن خط بخط تحریردور

«کاف‌ ها یـا عین صاده» مصدر تفسیـردور

میــن دلیلیلــه وجـودی آیــۀ تطهیـردور

سورۀ «والشَّمسه» تحت اللّفظده معنی گلور

گوردی سعد اوغلی قوشوندا وار بیراؤزگه انقلاب

رعشیه دوشدی وجودی قلبی دوتدی اضطراب

ایلـدی اول بی‌حیـا قومـه بـو نوعیله خطاب

ایمدی ایش ایشدن گچوب عقبا گیدوب دنیا گلور

‌اشتباهـه دوشمیـون ای قـوم بی موسی دگل

گلمیوب دوردومجی گؤیدن حضرت عیسی دگل

شبــه دور پیغمبــره یاسینیلــه طاهــا دگل

وارث رَفـرَف ســوار لَیلَۀ‌الاسـری گلور

ایجمـاعت نـورچشـم مصطفـی اکبردی بو

حُسن صورتده رسول‌اللهه چوخ بنزردی بو

خَلقــده هـم خُلقـده منطقـده پیغمبردی بو

تشنه‌لب اوغلی حسینون عزم ایدوب دعوا گلور

سیزده دعوایه آچون اَل ایلیون جنگِ عظیم

اُمَّهـاتِ اربعــه اولسـون بـو دعوایه عقیم

پاره‌پاره دوغریـون جسمین اَیا قوم جَهیم

باش آچوب زینب دیسون لیلایه واویلا گلور  

قـامت مــوزونی بنـزر آهـه لفظ عامیله

آهـی تشبیـه ایلیــو حـرف اِلاهـه لامیله

لام عبـارت ذوالفقـاریندنـدی بیله نامیله

باشدا تشدید اولسا عین‌الله اولور پیدا گلور

 

شاعر: طوری

 

خطاب سیّدالشهدا به جوانان بنی‌هاشم

 

ای جوانلار جان ویرور اوغلوم علی‌اکبردی بو

قویمیـون نعشین قوم اوسته شبه پیغمبردی بو

خوشدلم هـر چند گل جسمینده یاره قان ویرور

راه جانانـدا او کیمـدور بیـر بیلـه قربان ویرور

قویمیون امّا گوزوم گورسون گورورسوز جان ویرور

پارۀ قلبیمدی چون نور دو چشم تردی بو

تشنه لبدور لیک قانی سوکیمی اولموش سبیل

اوّلیـن قربانیــدور آل خلیلــون بــو قتیــل

احترامین ساخلاماق لازمدی بسدور بو دلیل

خَلقـاً و خُلقـاً رسول اکرمه مَظهردی بو

چوخ باخون بیر لحظه دور اُولموش آناسیندان کنار

وار یقیـن لیــلاده‌ده ایمـدی بو حال احتضار

بوندان آرتوق قویمیون قالسون او بیکس انتظار

طاقت و صبر دل لیلای غم پروردی بو

شمع رخسارین گوروب اود دوتموشام پروانه تک

بولمـورم نئیلیم گـورورسـوز عاشق مستانه تک

قُورخورام گلسون حرملـر باش‌آچوخ میدانه تک

میـوۀ نخـل امیـد عتـرت حیـدردی بو

طوی اتاقی بو جوانه اولدی گودال مصاف

شیعه‌لـر بیـر وقت ایله‌لّـر بو گوداله طواف

قاسمه گر چه دوتولموش خیمه‌ده بزم زفاف

پاره پاره جسمله اول مجلسه زیوردی بو

من دیمـم قاسم آنـاسی گلسـون اکبـر یاسینه

باخسا بسدور بیر نظر بو چاک‌چاک اعضاسینه

دسته گل لازمدی چون طویدا حنا خونچاسینه

تحفۀ لیلادی بو بیر دسته گُل اَحمَردی بو

خیمه‌لرده گر چه واقف اولمیوبلار مطلبه

بیر باخـون شور و نوایه ذکر یارب یاربه

چوخ چتیندور بو مصیبتده دایانماق زینبه

چـون توانای وجـود زینب مُضطردی بو

بند بند اولموش بو گُل‌تک پیکـری شمشیریله

نعشنون حمل اولماقی اولسون گرک تدبیریله

منـده دل یوخـدی سیزی آگاه ایدم تقریریله

گرچه آدی اَزبریمدور قلبده مُضْمردی بو

گلدی مقصودیم اله حاصل اولوب کام دلیم

قانیمـی ایکـاش بوقـانه قــاتیدی قـاتلیم

ای جوانلار عاجزم رفتاردن گلمـز بیـلیم

نوجوان داغی چتین‌دور عالم دیگردی بو

سالمیون تأخیره لازمدور اولونسون اهتمام

منتظـردی گوزلوری یول عترت خیرالانام

آل طـه قتلگاهه قـورخورام گلسـون تمام

اهل‌بیت مصطفایـه اوّلیـن مَنظـردی بو

صافیـا سنـده یانــوب آغـلا علـیِّ‌اکبره

آدی اکبــر شبـه روی حضرت پیغمبره

اشک چشمیله مبارک اسمینی یاز دفتره

ذکری اوّل ذکردور سرلوح و سردفتری بو

 

شاعر: صافی

 

زبانحال امام در شهادت علی‌اکبر

 

آل طاهایه خبر ویر ای باجی اکبر گلور

قتلگه‌دن خیمه‌گاهه شورش محشر گلور

بیر آتانون یوخ بیله ناکـام اؤلن نورسته‌سی

خیمه‌لـرده واردی بیحـد مایل دل بسته‌سی

مرکب اوستونده گلور خندان قیزل گُل دسته‌سی

یئندیرون یورقوندی آتدان رزمدن حیدر گلور

ایچماقـا جام شهادت باغلیوب زرّین کمر

چشمۀ حیواندن ایچدی ویروب شیرین ثمر

گورسنـور فَرقینـده عینـاً معجز شقّ القمر

گوئیـا تـاج شـرافت باشدا پیغمبر گلور

گلـشن پیغمبـر اکـرم روادور سولماسون؟

دیدۀ جـام جهان اشک غمیله دولماسون؟

آچماسون لیلا نئجه بوغمده زلفون یولماسون؟

محشر کبرانـی عیناً گوسترن مَنظر گلور

بانـوان عصمـت اُولـدی خیمـه‌دن یکسر کنار

آلدی نَجم و شَمس صُبحون دوره‌سین سیّاره‌وار

گوردولر بیر قانلو پیکردن آخار قان چشمه‌سار

ظاهـراً قـان باطنـاً بیـر چشمـۀ کوثر گلور

ایلیـوب طغیــان دریالـر کنـاره داشدیلار

اُمّهـات اَربَعـه سس چکدیلـر آغلاشدیلار

نقل ایدر راوی قویوب یئرده عبادن آشدیلار

خیمه‌دن نعش اوسته هی عورتدی بی‌معجر گلور

زینب کبـری گلـوب اوّل دولانـدی بـاشینه

بیر علی نعشینه باخدی بیر حسین قارداشینه

ایتـدی آهنـگ نـوا ویردی خبر گؤز یاشینه

بیلـه بولّم ایمدیده زینب علی سسلر گلور

گوردولـر اعضـا اولوب پاشیده زخم تیردن

محو اولوب بالمرّه یوخدور اصل ترکیب بدن

خانـۀ زنبــوره بنــزر زخـم تیـر و نیزه‌دن

عهده‌سیندن بو سؤزون نه خامه نه دفتر گلور

آلدیـلار اطــرافینی عمّه باجی بیکس آنا

باش آچان زلفون یولان تقریریله گلمز سانا

لیک جمله بیـر یانـا نازلـو سکینه بیر یانا

ایله قارداش یانینه گلسه باجی نیلر گلور

گوردولر ممکن دگل جسمینده بیرسان پرده‌سی

جلـوۀ سینانـی مستور ایلیوب قان پرده‌سی

مُرشد موسانی چون محو ایلیوب جان پرده‌سی

آیریلان شیـرازه‌دن بیر مُصْحَفه بنزر گلور

ای‌عـجب تیـر بـلا قلـب جهانی دَلمدی

دوشمدی دوران مداریندن بیر آن دنجلمدی

هامّـی گلدی خیمه‌دن لیلا کناره گلمدی

خجلتیدندن گوردی چون سلطان بی‌یاور گلور

امـر ایـدوب لیلایه‌ده گلسون امـام مُحتشم

گئتدیلـر اُفتــان و خیــزان بانـوان محترم

سَسلنوردی دمبدم ایوای اوغول وای هر قدم

هانسی اوغلی گورماقا لیلا کیمی مادر گلور

 

شاعر: رفوگر

 

استمداد جناب قاسم از امام حسین

 

اؤلیرم بیرجه یئتیش داده عمو

قویما نعشیم قالا صحراده عمو

باشیم اوستونـده اگر گلسه سسین      

جان وئریر جسمیمه عیسی نفسین

آنامـا سویلـه منـی گـؤزله‌مـه‌سین       

قالـدی حسـرت منـه دنیاده عمو

آلـدی اطرافیمــی بـو لشگـر کیـن        

یولومی کسـدی عمــو شیث لعیـن

داخی گلمک منه چوخ اولدی چتین      

سن ازون گل یئتیش امـداده عمو

سسلــرم یئتمیــری بیریانـه سسیم       

دگدی اوخ سینمـه سینـدی قفسیم

سـن گلینجــه اولـور آخـر نفسیم       

چـون دگیب یـاره بو ناشاده عمو

منــی یالقیــزلادی بــو قـوم عدو        

سوسوز اؤلدوردی عمو وئرمدی سو

قرمـزی قانیــم اولـوب آب وضو       

ایستـی قوملار منـه سجاده عمو

شاهبازیـن دئمـه بی‌شهپر اولوب       

تیـر اعـدا منـه بال و پـر اولوب

قاتلیم الده دوتوب خنجر اولوب      

 باشیمـی کسمگــه آمــاده عمو

سوسوز اؤلمک نه کی زحمتدی منه      

بو یــولون زحمتـی راحتـدی منه

اؤلــورم عیــن سعــادت‌دی منه      

سـال بــو حالتده منی یاده عمو

ای عمـو قالـدی قوری یئرده باشیم         

سایـه گــورمز بولـورم بیرده باشیم

لله الحمــد اولـوب آخـرده بـاشیم         

آشنــا خنجــر فــولاده عمــو

 

شاعر: صرّاف

 


اذن میدان خواستن جناب قاسم

 

من نجه گوروم تنگ ایدوب عمو عرصه‌گاهی بو اشقیاسنه

بـاخ الیمـده‌کی دستخطّی گور اذن ویر اولوم من فدا سنه

ای غریب دشت بلا سنه

قتلیمـه آتـام مجتبـی یـازان اَلده‌کی بوفرمان اولااولا

یار و یاور آختارماقا گوزون حسرتیله باخسون صاقا صولا

باشوا دولاندور اجازه ویر سال عَم‌اوغلوم اکبرکیمی یولا

بو طریق عشق ایچره گوستروم منده قُدرتیمجه وفا سنه

باغریمی بلا و مصیبتین چوخلوقی عمو قانه دوندورب

منلـه اوز آراسنــداکی گُل اُلفتـی آنام شاخه‌دن دَروب

اَل چکوبدی مندن کفن سالوب بوینوما سنه فِدیه گوندروب

ای خلیله وارث اُولام بوگون تشنه‌لب ذبیحِ مِنا سنه

 

ترک ایدن زماندان آتام حسن بوجهانی سَنلندی زحمتیم

من سنی آتا بولموشم اولوب دائماً سنه میل و رغبتیم

فرض ایله غلام اکبره منی قارداش اولماقا یوخ لیاقتیم

بو سوزه گواه ایسته‌سن اولور بو وصیّت مجتبا‌ سنه

باخما اِلتجا ایلرم گلوب خاطریم منیم درده اِی‌عَمو

گوز یاشیم آخور سیل‌تک بیله متّصل رخ زرده ای‌عمو

غصّه‌لنمه قاسم فدا سنه تؤکمه گوزیاشون بیرده ای‌عمو

شاهزاده اکبر عم اوغلومون محنتی ایدر اکتفا سنه

بو دگل وفا شرطی ای عمو اَل تاپا بو چولده عدو سنه

من سنی کومَک سیز قویوب باخوم اکثرّیتِ فوج دشمنه

جانووه قسم حالووی گوروب یوز ویرور زِبس درد غم منه

علّتی اودور من بو حالیله ایلرم بیله اِلتجا سنه

 

گلمشم بو گلماقدا اولموشام لطفُوه اورکدن امیـدوار

ناامیـد لطفونـدن ایلمـه سنـده ای شهنشـاه تاجـدار

قوی گیدوم باتوب قانه جان‌ویروم اولمیوم قیامتده شرمسار

افتخار ایدوم فاطمه آنام سویلسون اوغول مَرحبا سنه

سن پیمبره نور دیده‌سن هم آناندی خیرالنّسا سنون

مجتبا آتامدور برادرون هم آتاندی شیرخدا سنون

بولموری مقامات و شأنوی دوره‌وی آلان اشقیا سنون

عترتین اؤزون تشنه قالموسان ایلمور بو قوم اعتنا سنه

راضیم عمو باش قلج‌لانوب قان آخا ایکی گوزلریم دولا

باش آچوب آنام نعشیمه باخا اشگنی توکه زلفنی یولا

لیلی و سرّیه بو دشتده وای اوغول دیوب همصدا اولا

لیک اولمیه ذرّه‌جه غم و درد و محنت و ابتلا سنه

 

من گرک جلای وطن اولام آیری بیر یره ایلیم سفر

لیلینون یوزون من گورنمرم صاق قالوب عمو اؤلمسم اگر

چون اونون جوانی اؤلوب منی گورسه یادینه دوشر

زنده دور عم‌اوغلون دیر اوغول دوتموشام ولی من عزا سنه

حافظی شکایت زمانه‌دن ایتمه روزگاریله‌ سازش ایت

مجتبی یتیمین خیاله سال گوز یاشیله دردون گزارش ایت

هاردا بیر یتیم و یتیمه‌وار رأفت ایله گورسن نوازش ایت

قورخما خالقون مهرباندور چوخ ویرور جزاده جزا سنه

 

شاعر:حافظی

 

زبانحال امام حسین به جناب قاسم

 

گلمیشم گلمور سسون ای شاهزاده هارداسان

آل سسین بو بیکسون ای شاهزاده هارداسان

سسلدون بیر قالمادی قلبیمده آرامیم منیم

بیرده سسلن تا اوغول حاصل اولا کامیم منیم

یاده سالدون سن منی آخر دلآرامیم منیم

گلمیشم گلمور سسون ای‌شاهزاده هارداسان

سن گلن دمـدن سرّیه گوز تیکوب آخر یولا

گئج آپارسام قورخورام باشین آچوب زلفون یولا

اول یئره‌ کیم سن دوشوبسن بو عمون قربان اولا

گلمیشم گلمور سسون ای‌شاهزاده هارداسان

قارداشیم اوغلی گوزوم نوری گؤگل پابسته‌سی

حق یولوندا باش ویرن عاشقلرین سردسته‌سی

جسمی خنجر مُستمندی جانی پیکان خسته‌سی

گلمیشم گلمور سسون ای‌شاهزاده هارداسان

اُولقَدَر یوخدور کنار اولدون گوزومدن سن منیم

اولگیلن آگـه بونیسگیلّـی سؤزومدن سن منیم

هاردا قالدون یوز نه تیز کسدون یوزومدن سن منیم

گلمیشم گلمور سسون ای‌شاهزاده هارداسان

من باشون اوسته گلنجه قورخورام گلسون اجل

دوره‌می دشمن آلوب آخر گوتورمور مندن اَل

خیمهَ‌دِیدیم سسلدون اؤلدوم عمو امداده گَل

گلمیشم گلمور سسون ای‌شاهزاده هارداسان

چوخ چتیندور سسلیه‌سن سن عمون امدادیوه

یئتمیـه بیـر بیله وقتونـده سنون فریادیوه

ای منـی داد ایلیــن امـداده آخـر دادیوه

گلمیشم گلمور سسون ای‌شاهزاده هارداسان

یوخسا مدهوش ایلیوب دور جلوۀ جانان سنی

گلمیشم گلمور سسون ای‌شاهزاده هارداسان

خیمیـه تاپسـام آپـارّام میهمـان الان سنی

گلمیشم گلمور سسون ای‌شاهزاده هارداسان

 

شاعر: صافی

 

زبانحال حضرت امام به جناب قاسم

 

نئجه من ایدیم روانه سنی کارزاره قاسم

که نشـانۀ حسن‌سن مـنِ دلفکاره قاسم

حسنیم دوشنده یاده دلـه یوز ویرنده محنت

سنیله تاپار تسلّی گؤگل ای حمیده خصلت

نظریمـده جلـوه‌گردور نَقَـدر بـو ماه طلعت

بیلـه بولّم ایلـورم من حسنه نظاره قاسم

سنی یادگار ایدوب حق منه قارداشیم حسندن

که شمیـم مجتبانـی یئتورم مَشامـه سندن

نه روا بو غم گونونده کسه‌سن علاقه‌مندن

که چتیندی دردِ هجرون منِ بیقراره قاسم

منی گر بوچولده یالقوز قویوب عرصه‌گاهه گیتسن

بوقدر بول ایمدی گویا که حسن گیدور الیمدن

سنـون آتش فراقون ایله سوزش آرتورور من

او بیـر آتشیله یانّـام ایکـی گُلعُذاره قاسم

بو یانان جگـرده بسدور منه داغ هجر اکبر

که شراره‌سی ووروب اود بو وجودیمه سراسر

دل غم‌کشیـده زخمیـن اوغول ایلمه مکرّر

که بو زخم ایدر کفایت دل داغداره قاسم

نئجه منتهـای صبـریم منیـم انتهـایه یئتمز

نَقَدر وارام اؤرکدن بو اوغول یاراسی گیئتمز

غم فرقتونله دردیم نجه دلده شدّت ایئتمز

نه او زخمه واردی مرهم نه بو درده چاره قاسم

او سَهی قَدون غمیله بو قدیم دونوب کمانه

ایلیوب خَدَنگِ درد و غمه سینه‌می نشانه

سنیـده نجـه قلجـلار دمینـه ایدوم روانه

ستمیله گُل وجودون اولا پاره‌پاره قاسم

نه سنـه یانـار قُلوبــی سپــهِ ستـم شُعارین

نه باخار عطش هجومی دلون آلموش اختیارین

ایله گوزلرین دوتوب قان بو گروه نابکارین

که نه رحم ایدر صِغاره نه باخور کِباره قاسم

سنی مـن نئجـه مبارز ویروم اشقیای شامه

که شقاوتی او قومون یئتیشوب بوگون تمامه

نه جهاندا کام آلوبسان نه یتیش‌میسن مرامه

چوخ ایدیب اثر بو نیسگیل دل پرشراره قاسم

بو شهادت امری دلده سنه گرچه مدّعادور

غـم فرقتـون ولیکن منه دردی بی‌دوادور

بـو مهمّ امره شایـد اوز آنانـدا نارضـادور

سن اؤزونده اولما راضی گله آه و زاره قاسم

بسیدور اونون بو مِحنت که وطندن آیریلوبدور

نولی حالی غربت ایچره‌گوره سندن آیریلوبدور

یری‌وار او بلبـل‌آسا کـه چمنـدن آیریلوبدور

سنه مین دیلیله شیون ایده چون هزاره قاسم

آنادور نـه زحمتیلـه یتوروب سنی بو حدّه

نئجه دل ویرور که حسرت قویالار بو سرو قدّه

او قَـدَر آخـار سرشگـی بـو مصیبت اَشدَّه

که کناری گوز یاشیله دونه جویباره قاسم

 

شاعر: ذهنی

 


اولاد حضرت زینب

 

قارداش دیمه هَل مِن مُعین اود وورما زینب جانینه

ایکی قـوزی قربانیمـی گوندر اُولوم میدانینه

اود ووره زینب جانینه

ایتمـز سنـه هرگـز کمـک بو قوم بیرحم و دنی

اولسون باجون گورسون نجه یالقوزلیوب دشمن سنی

یوخ بیر سسیوه سس ویرن یاندوردی بو نسگل منی

کیم سن‌کیمی یالقوز قالوب باخدی بلا میدانینه

قالموش نه قارداش نه اوغول یوخ کیمسه یار و یاورون

نه عون و عبّاسون قالوب نه قاسمون نه اکبرون

سنـدن مبـارز ایستسون بـو غیظیله دشمنلرون

زینب نئجه اوغلانلارین آسوده آلسون یانینه

 

گرچه رکابوندا سنون چوخ بی‌بهادور جان بوگون

امّا منـه قـوی منّتیـن ای شاه مظلومان بوگون

وئر رخصت اولسون هر ایکی اوغلوم سنه قربان بوگون

گیتسونله اولسونلا نشان اهل جفا پیکانینه

اولماز سنه امداد ایدن یالوارما چوخ دشمنلره

قیلّام ایکی جان تک اوغول آماج تیغ و خنجره

ایئتسون بیری جانین فدا اول قاسم مه پیکره

قاتسون بیری اؤز قانینی شهزاده اکبر قانینه

هر چند عطشدن هر ایکی گُل غنچه‌سین سولدورموشام

امّـا گینه لیـلا کیمـی شوقیلـه زینـت وورموشام

گوردوم سو یوخدور اشگیله گوز کاسه‌سین دولدورموشام

 چون رسمدور قربان وئرن سوگوسترور قربانینه

قارداش سرّییله گرک باجون بوگون همراز اولا

ایکی اوغول داغی گوروب مین دردیله دمساز اولا

اکبـر آناسیلـه بوگـون زینبــده هـم‌آواز اولا

لیلا اوغول وای سسلیه من سس ویرم افغانینه

انصافـدور بـو شوقیلـه گیسون بو قربانلار کفن

سندن حسین مأیوس اولوب محروم اولام بو فیضدن

قوومـا قاپونـدان زینبـی وئـرّم قسم زهرایه من

گَل اذن وئر آز غصّه وئر بو درد غم حیرانینه

آیا باجون قابل دگـل بو چولده قربان ویرمگه؟

یا اینکه بـو قربانلاریم لایق دگل جان ویرمگه؟

خنجر دمیندن قان ایچوب یا جان لب عطشان ویرمگه؟

یوخسا غلاملار جانینی ایئتمز فدا سلطانینه؟



 

شاعر:ذهنی

 

بسته شدن راه فرات

 

هر کس بوگون سو گورسه سالسون حسینی یاده

سـو یـولاّری بوگونـده باغلانـدی کربلاده

سعد اوغلی ویردی فرمان اول سنگدل صفوفه

کسـدی ره فــراتی اشــرار شـام و کـوفه

سُولدی بوگون سوسوزدان اطفال چون شُکوفه

اولاد مصطفانون اولدی غمی زیاده

سـو جامـی اللّـرینده اطفال ماه رُخسار

محزون و دلشکسته یکسـر بنات اطهار

آغلاردیـلار عطشدن بی‌یار و بی‌هوادار

باتمشدیلار ملاله اُول دشت پر بلاده

یوز ویردی اؤزگه بیرحال اول جمع بی‌پناهه

لب تشنه‌لر فغانی اوج ایتدی مهر و ماهه

یئتـدی علاوه بیر غم اول شاه کم سپاهه

شور و نوا اوجالدی صحرای نینواده

سولدی سارالدی گل‌تک اطفال ماه‌پاره

اظهـار حـال ایدوبلـه عبّــاس نامداره

عـرض ایلدی سکینه ایله عمـو نظاره

یوخ کیمسه اهل‌بیتی سالسون بو وقت یاده

اطـرافینی فراتــون اعـدای دیـن آلوبدور

سـوز عطش بناتی نه حاله گور سالوبدور

سو یوخدی خیمه‌لرده قیزلار سوسوز قالوبدور

غمدن بیزی کنار ایت بو دشت غم‌فزاده

اَبـر بهـار تک گُـور گوزلر نجه دولوبلار

بسکه سوسوز قالوبلار غنچه صفت سولوبلار

ایلوبلـه نالـه از بـس بی‌اختیـار اولوبلار

نـه صبـروار نـه طاقـت اولاد مصطفاده

دور مشگـوی گوتور بیر ایله گذر فراته

بیـر شربـه سوگتورسن بو تشنه‌لب بَناته

دریای غمـده غرقوخ سال کشتی نجاته

ای ناخدای دوران لطف ایت ره خداده

یوخ آل مصطفانون بیر کیمسه دادخواهی

سنسـن بو اهـل‌بیتین بـو عرصه‌ده پناهی

افـلاک اوج ایدوبـدی آل رسـولین آهی

بوسـوز و آه و نالـه تأثیـر ایدر جَماده

انصافدور مگر بو آخسون فرات اویاندا

پیغمبر اهل‌بیتی قالسون سوسوز بویاندا

یوخ شرم اهل‌بیتی بیله سوسوز قویاندا

نه رحم‌وار نه انصاف اعدای پر جفاده

«زایـر» مَـهِ عــزادور ایّــام غم‌فـزادور

صاحب‌عزا خدادور یازآغلا حق رضادور

بــو شــاه کربـلادور بیر منبع عطادور

اخلاصیله چوخ آغلا هر صبح و هر مَساده

 

شاعر: زایر محمّدی

 

خطاب به آب فرات

 

آخدون عالمده ندن کوه و بیابانه فرات

اولمادون قسمت حسینه دؤنه‌سن قانه فرات

قالدی لب تشنـه کنارونده سنون شاه زَمَن

قسمت اولدون سن اوگون فرقۀ کفّاره ‌ندن

فاطمه مهـری دگُلدون مگر ای قانه دونن

آل طاهایه سن اولدون بیله بیگانه فرات

یاندیلار سـوز عطشـدن هامی اولاد رسول

سُولـدی گلـزار علی اولدی خزان باغ بتول

اولدی سیراب سویوندان سنون اول‌قوم جهول

آخدون اشکِ تر زینب کیمی هریانه فرات

گوردی عبّاس حسین عترتی لب تشنه قالوب

غیرتی جوشه گلوب چگننه بیر مشگ سالوب

خشملـه تیـغ شرربـاری اَلَه اولدم آلوب

قویدی یوز غیظیله تا جانب میدانه فرات

قویـدی میدانـه قـدم فاتح خیبر بالاسی

داغیـدوب لشگر اول‌شیر غضنفر بالاسی

وارد اولدی سنه مردانه چو حیدر بالاسی

سُپَر ایتدون اونی سن ناوک پیکانه فرات

دولدوربدور سوئیله مشگی قویوب رَزمه قدم

جَهد ایدوب تا اولا سیراب اوسودان اهل حرم

سو یولوندا ایکی قوللّاری اودَم اولدی قلم

چوخ او بی‌مهرون الیندن گلوب افغانه فرات

آه او دَمون که حسین یالقوز علمداری گوروب

سَـروتک یئـرده قَدِ قامت سـرداری گوروب

ظلم اعدائیله دوشموش ایکی قـوللاری گوروب

سویلدی سیندی بیلیم تُف بیله دورانه فرات

سنیلـن همسفـرم منـده ابالفضلیــم اویـان

نُطقه گل منله دانش ایلمه چوخ باغریمی قان

آز زماندان صورا بو باشی کسر شمر و سنان

آپـارور نـوک جـداده گلـه هریانـه فرات

 

شاعر: خازن

 

خطاب حضرت ابوالفضل به اهل کوفه

 

بو مشگه دگن اوخ منی مأیوس ایلدی چوخ

ایکاش دگیدی گوزومـه مشگه دگن اوخ

بستیدی حیاتیم بو سووا جاندان اوساندیم

سو مشگیمه اوخ دگدی اوزوم جانه دایاندیم

اصغـر عطشـه مـن شررِ خجلته یاندیم

ایکاش دگیدی گوزومه مشگه دگن اوخ

من جان بکفم وقفـدی بو جان شه دینه

یوخ باکیـم اولومـدن ولی ای لشگر کینه

ویرمیشدی منه بو قوروموش مشگی سکینه

ایکاش دگیدی گوزومه مشگه دگن اوخ

گوردوم عطشندن سارالوب صورت اصغر

پوزدی پوزولان حـالتمی حالت اصغر

آز یاره وورون بسدی منه خجلت اصغر

ایکاش دگیدی گوزومه مشگه دگن اوخ

چون اهـل وفـا کـوی وفـاده منی یوخلار

تصدیق ویروب احسن ایدر عشقیمه چوخلار

بیـر گلشن فردوس ایلیوب سینمی اوخلار

ایکاش دگیدی گوزومه مشگه دگن اوخ

اوخ جسمیمـه مایلـدی منیم من اونا مایل

بو اوخ نیه بس گیتدی خطا اولمادی حایل

مشگ اوسته دگوب زحمتیمی ایلدی زایل

ایکاش دگیدی گوزومه مشگه دگن اوخ

جان ویرماقا جانانه بوگون تا هوسیم‌ وار

داد ایتستم حسینیم کیمی بیر دادرسیم وار

عجـز ایلمـرم دشمنینــه تـا نفسیـم وار

ایکاش دگیدی گوزومه مشگه دگن اوخ

لایق دگل هر چند بوجان بو باش حسینه

امّا منـی ایتمیشدی آتام یولداش حسینه

من نوکـرم هرگز دگلم قارداش حسینه

ایکاش دگیدی گوزومه مشگه دگن اوخ

چوخ سعی و تلاش ایلدبم آخر اؤز ایشیمده

قیـردیم نقــدر دشمنـی بو بیر یوریشیمده

قول گیتدی دیردیم آپاریـم مشگی دیشیمده

ایکاش دگیدی گوزومه مشگه دگن اوخ

تـا سـو الَه گلـدی غم و دردیـم آزالشدی

میـن همّتیمــون ضدّینـه بیر تیر چالشدی

سو آخدی گوزوم باخدی اؤره‌ک یاندی آلشدی

ایکاش دگیدی گوزومه مشگه دگن اوخ

سو وعده‌سینه چونکه دیمیشدیم گوزوم اوسته

تا سـو واریدی من واریدیم اوز سوزوم اوسته

قالسیدی سو قولسوز سورونردیم یوزوم اوسته

ایکاش دگیدی گوزومه مشگه دگن اوخ

مین جانیم اولا ویرماقا بیر ذرّه یوخ اِکراه

قول گیتدی باشیم قالدی بودور علّت دلخواه

لازمــدی اولا باشــدا نثــار قــدم شام

ایکاش دگیدی گوزومه مشگه دگن اوخ

بولّــم یتــرم آخــر عمرومــده مـرامه

لطفیلــه گلـور شـه اوزی دیـدار غلامه

خوشدور بو باشی اوندا قویام پای امامه

ایکاش دگیدی گوزومه مشگه دگن اوخ

هر چند چوخالدوقجا یارا خجلت آزالماز

امّا آزالـور اوخ چوخی مندن صورا قالماز

دشمنــده قــالان اوخ مگر آرامیمی آلماز

ایکاش دگیدی گوزومه مشگه دگن اوخ

چوخ سعی ایلدیم من بو سووون حفظنه مطلق

شاهـد سوزومـه بـو کسلین الدی بو بیرق

مقصـود دلـه اولمـادیم افســوس مـوفّق

ایکاش دگیدی گوزومه مشگه دگن اوخ

شأنی ازووی صدقیله بـو درگـه سـالدون

مقصـود دلـون حضـرت عبّـاسدن آلدون

صد حیف بو حسرتده او سرور کیمی قالدون

ایکاش دگیدی گوزومه مشگه دگن اوخ

 

شاعر: شأنی

 

خطاب حضرت ابوالفضل به اشقیا

 

من حسینون تشنه‌لب سقاسیم

شـاه مردانـون رشید عباسیم

لشگر اسلامه مـن سرلشگـرم            نـور چشــم نامــدار حیـدرم

افتخـاریم وار حسینـه نـوکرم               کنــز علمیـــن لؤلـؤ لالاسیم

قلزم دعوانی یاررام چون نهنگ       نه علمدار و نه صف قویام نه هنگ

بزم عشرتدور منه میدان جنگ      فــن جنگین سربه‌سر داراسیم

ای جماعت ایلیون شرم و حیا        خیمــده عطشانــدی آل مصطفـی

گلمیشم سو اخذ ائدم یوخ حرف لا              صبـره یـوخ طاقت غضب دریاسیم

خیمده اوچ‌گوندی اولموش قحط آب      اصغریـن قنـداقنی آچمیش رباب

عرض ائدیر الله بالام اولدی کباب     رحم ایلـه مـن کربـلا حـواسیم

ای جماعت نور یکتادور حسین      سـرور دنیــا و عقبادور حسین

هر ایکی دنیایه مولادور حسین       مــن بوشاهیــن کمتـرین مولاسیم

وار الیمـده فتح و نصرت پرچمی      یوخدی باکیم دوتسا دشمن عالمی

اقتـداریم وار آلام نهر علقمی      مـن حسینـون ضیغـم هیجاسیم

مـن سپـاه دین حق سرداریم      اهــل عشقیـن قافلــه سالاریم

ســر حقیـن محـرم اسراریم      آیــه «یوفــون»نـون معنــاسیم

مـن ابوالفضلـم علی دلبندیم      شیر مستـم شیرحق فرزندیم

تشنه‌لب جان وئرماقین خرسندیم     جـام مرگین تشنـۀ صهباسیم

 مرتضـادن وار منـه بوافتخـار     جنگینه احسن دییـوب پـروردگار

«لافتـا لاسیــف الاذوالفقـار»     مرتضانـون بیـرگل رعنـاسیم

تا قولوم وار قویمارام یاتسون علم      دلخوشام ائتسوز بوقوللاری قلم

یازسا اوخلار سینمی مثل قلم      کشف اولار مطلب وفا طغراسیم

تشنه دور ماه مدینم خیمه‌ده      سویولی گوزلور سکینم خیمه‌ده

گلدی آخر تنگه سینم خیمه‌ده     «کاف‌ ها» تفسیرینون ایماسیم

صاحبم اون یئددی عالی منصبه     جان نثارم شاه دین و مـذهبه

بیر وفالی قارداشام من زینبه      بــاغ طاهانون گل زیبــاسیم

مــن امیـرالمؤمنین فرزندیم      فـارس بدر و حنین فرزندیم

فاطمــه ام‌البنیــن فـرزندیم      مـلک بطحـانین شجاع ناسیم

 

شاعر: کریمی مراغه‌ای

 

زبانحال امام بر بالین حضرت ابوالفضل

 

قارداش دور ایاقه یالقوزام من

قویما منی تک اوغولسوزام من

آچ گـوزلریوی آمانـدی قارداش    قارداش اؤلومی یاماندی قارداش

آرام دلیــم تالانــدی قـارداش    قارداش دور ایاقه یالقوزام من

ای عشــق مِنــاسینون فـداسی    بیر مشک سویون ندور بهاسی

بیر بیلـه ویـروبلا اوخ یـاراسی     قارادش دور ایاقه یالقوزام من

سن سیـز تؤکرم عذاره قانیاش     من سندن ازل اولیدوم ایکاش

ای عترتیمـون پنــاهی قارداش    قارداش دور ایاقه یالقوزام من

تـا سـن واریـدون علـی عیالی    ائتمـزدی اسیــرلیقی خیـالی

سن سیز پوزولوب حـرم جلالی     قارداش دور ایاقه یالقوزام من

دوتمور دانیشام دلیم ابوالفضل     نه نوعی گلوم دیله ابوالفضل

سن سیز بوکولوب بئلیم ابوالفضل     قارداش دور ایاقه یالقوزام من

غم چکمه کی یوخ آنان بوچولده     وار حالیوه چوخ یانان بو چولده

دور ای منی تک قویان بو چولده     قارداش دور ایاقه یالقوزام من

بـو چولـده جهـاداکبر ائتدون     جان تشنه وئـروب مرامه

یئتدون قویدون الیمی بئلیمده گئتدون      قارداش دور ایاقه یالقوزام من

 

شاعر: شهاب

 

از زبان امام خطاب به حضرت عباس

 

دور ای دعـوالـر اصـلانی         ابوالفضلیـم، علمــداریم

آخان سو تک قیزیل قانی     ابوالفضلیـم، علمــداریم

دئیم دوتمیر دیلیم قارداش           دور ای آرخام، ائلیم قارداش

سینوب سنسیز بئلیم قارداش     ابوالفضلیـم، علمــداریم

کسوب دشمن یولین آخر     سالوب صاق و صولین آخر

نه باش وار، نه قولین آخر     ابوالفضلیـم، علمــداریم

بو چؤلده غرق خون اولدون          قتیـل قـوم دون اولـدون

علم تک سرنگون اولدون       ابوالفضلیـم، علمــداریم

اوغول یوخ دردیمی بولسون         منـه یـار و معین اولسون

اوغولسیز قارداشین اؤلسون       ابوالفضلیـم، علمــداریم

توکنـدی طاقتیــم سنسیز    بوکولـدی قـامتیم سنسیز

قان آغلار عترتیم سنسیز     ابوالفضلیـم، علمــداریم

اؤزین مقصودیوه یئتدون         بئله احبـابی ترک ائتدون

منی یالقوز قویوب گئتدون           ابوالفضلیـم، علمــداریم

ایـــا مــاه بنــی‌هــاشم         منیـم ایستکلی قارداشیم

دؤنـوب آلقانه گؤز یاشیم             ابوالفضلیـم، علمــداریم

دئسم گـورمز گؤزیم قارداش         یقین دوزدور سؤزوم قارداش

سنه قـربان اؤزوم قارداش     ابوالفضلیـم، علمــداریم

اؤزون گئتدون خلاص اولدون      دولی پیمانه تک دولدون

گلستـانیم نـه تئز سولدون                ابوالفضلیـم، علمــداریم

سنی کیم غرق ائدوب قانه                سالـوب بـو قانلی میدانه

یانــار بــو حالــه بیگانه          ابوالفضلیـم، علمــداریم

بو غربتده وحیـد اولـدوم         کؤمکـدن ناامیـد اولدوم

سن اؤلدون من شهید اولدوم       ابوالفضلیـم، علمــداریم

قالـوب «صـرّاف» بیچاره         محیــط غمــــده آواره

اؤزین قیـل دردینه چاره         ابوالفضلیـم، علمــداریم

 

شاعر:صرّاف

 

استمداد حضرت ابوالفضل

 

قارداش یئتیش امداده ایشیم مشگله دوشدی

ال دوشدی علم دوشدی علمدار اله دوشدی

سال قارداشوی یاده یئتیش داده دایانما

یـوخ بیـر بیله وقته گلن امداده دایانما

عجز ایلمـرم بـاش گئده جلاده دایانما

قاتللـر النیـده باشیم الدن اله دوشدی

شهبـازون اخا زاغ و زغن دوره سین آلدی

مین اؤچی کیمین ایلدی آتدان یئره سالدی

خنجـر دم خنجـرده گـوزوم راهده قالدی

عفو ایله جسارتدی برادر بیله دوشدی

اوخلاندی سو مشکیم بوشالوب قانیله دولدی

جـام الده سکینه دئمه‌سون بیرده سونولدی

صد حیف امامت گلنون غنچه‌سی سولدی

دل یاندی عطش سوزش دلدن دله‌ دوشدی

شـاه شهـدا خیمده حیران دولانوردی

میداندا علمدارینه باخدوقجه یانوردی

گاهی یرییوب گه اوتوروب گه دایانوردی

لشگر ایچینه شور و فرح هلهله دوشدی

یوز جـانب میدانه قویوب سیّد بطحا

گوردیله غضبناک اونی یول آچدیلا اعدا

«این اخی این اخی» سویلری او مولا

ناگه گوزی یئرده او مه کامله دوشدی

سویلوبدی بـرادر دیزیمون قوتی گئتدی

بو غمده بئلیم سیندی دلیم طاقتی گئتدی

بوندان صورا اهـل حرمون حرمتی گئتدی

آخـرده بـلا دامنـه بو سلسله دوشدی

بو حالتیله قآارداشی قارداش نجه گورسون

سالآم دگوباشون نه الون قارداشون اؤلسون

یوخ سن کیمی بیر کیمسه منیم دردیمی بولسون

سن گئت گلورم منده یولا قافله دوشدی

 

شاعر: دلریش

 

زبانحال امام مظلوم ‌در سر نعش علمدار

 

دور یاتما بو قان ایچره اماندور آتام اوغلی

قارداش غمی قارداشه گراندور آتام اوغلی

امـدادووه ایمـدی منـی سن سسلمدون بس

گلدیم گوزون آچ بیرده منیم ویر سسیمه سس

آچ گوزلرووی گور باشون اوستونده بو بی‌کس

کیمدور که سنه ناله کُناندور آتام اوغلی

یاندیم سنی من نزع روان اوسته که گوردوم

تیر اجلـون راست نشان اوسته که گوردوم

بیر حالته قالدیم سنی جان اوسته که گوردوم

باخسان اؤلوم آثاری عیان‌دور آتام اوغلی

قان ایچره خسوف ایلدی تا ماه جمالون

آغلار گؤزومـه عالمی تار ایتدی ملالون

هـر قـدر وارام دلـده مؤثّردی بو حالون

شُغلوم سنه فریاد و فغان‌دور آتام اوغلی

گورکیـم گـوروب عالمده بیله حال غم‌افزا

سو اوسته بو حالیله سوسوز جان ویره سقّا

سن گیتدون اوزون قالدی دیلیمده آدون امّا

هـر لحظه منـه ورد زبان‌دور آتام اوغلی

گیتدون دیمدون قارداشیمون دشمنی چوخدور

یالقوزدی اوغولسوزدی داخی کیمسه‌سی یوخدور

قارداش چاغوراندا سسیمه سس ویرن اوخدور

ایجاب ایئدنیم تیغ و سِناندور آتام اوغلی

همـدردیمیــدون آگهیــدون درد دلیمـدن

گیئتدون ایلیم آرخام الیمی اوزدون ایلیمدن

کسکین قلجیم دوشدی بوگون قارداش الیمدن

واضحدی بو مطلب نه نهاندور آتام اوغلی

دشمن یری‌وار یانسا بو احوالیمه قارداش

امّـا دیمورم باخ منیم اؤز حالیمه قارداش

رحم ایئت گوزی یولدا قالان اطفالیمه قارداش

جـام اَلـده تمامـی نگرانـدور آتـام اوغلی

نولدی سنه سو وعده‌سینون فکرین آتوبسان

بیر مشگ سو اوسته سوکیمی قانه باتوبسان

ضعف ایلموسن قان آپاروب یا که یاتوبسان

دور قارداشوون حالی یاماندور آتام اوغلی

بـو آز سپهیلــه کـه علمداریمــدون سن

بــولمزدیله مغلــوب منـی لشگر دشمن

گیئتدون کیمه بس تاپشوروم آیا عَلَمی من

بیـرق سپهـه عُمده نشاندور آتام اوغلی

سرداریمدون سن منیم ای کان شجاعت

سندن الیمـی اوزدی بو بیرحم جماعت

صبر ایله دالونجـه گلورم منده بوساعت

تأخیـرده یوخ خَیْـر زیاندور آتام اوغلی

تـا اَلـده اَسَردی علمـون پرچمی عبّاس

ایئتمزدی باجون زینب اسارت غمی عبّاس

امنیّتیـدی عترتیمــون عالمــی عبّـاس

سنسیز اولارا سخت زماندور آتام اوغلی

جسمون سو کنارینده سینیق زورقه بنزر

دور سالما بو گرداب خطرناکیده لنگر

چک ساحله طوفانه دوشوب آل پیمبر

دریـای بـلا مـوج زنانـدور آتـام اوغلی

ای تَرک سر و جان نه صداقتلو جوانسان

پروانـه کیمی شمع محبّتـده یانانسان

آخـر نفسونـده گینه منـدن نگرانسان

حاشا نظرونده سر و جان‌دور آتام اوغلی

نه قارداشیدون من بولورم اؤزگه‌سی بولمز

مین عالم اولا عالمه مثلون داخی گلمز

بیر قدّی که قارداش اؤلومی بوکدی دوزلمز

بو مسئلـه مشهـور جهان‌دور آتام اوغلی

دورت قارداشی بیر گونده اؤلن قارداشون حالی

نـه حالــه قالـور اهل دل ایستر اولا حالی

بِخصـوص کُمَکسیـز قالالار اهـل و عیالی

بیر یرده که وحشتلو مکاندور آتام اوغلی

شل اولسون او اواللّه که صول و صاقووی سالدی

بـو اللّــری کسـدی قولومون قوّه‌سین آلدی

سندن صورا دردیم چوخالوب چارم آزالدی

گوزدن جگریم قانی رواندور آتام اوغلی

هانســی ستمیلــه اؤلــن آیــا سنه بنزر

سیننده چاتوب باش باشا اوخ مخزنه بنزر

جسمون باخورام بیر پوزولان گلشنه بنزر

باشدان باشا پامالی خزان‌دور آتام اوغلی

از بس اوخی اوخ اوسته ووروب لشگر اعدا

جسمون پر آچوب بس هانی شهپرلرون آیا

ای اوج رشادتــده هنـر صاحبـی عَنقا

همّت گونی وقت جَوَلاندور آتام اوغلی

غم چکمه اَلون یوخ سیله‌سن قانی گوزوندن

من سیلّم اوزوم حالـووه چوخ یانّام اوزوندن

قـول بوینـووا سالاّم اؤپرم قانلو یوزوندن

وار اوزگه مرامون گینه آندور آتام اوغلی

 

شاعر: ذهنی

 

احوال حضرت علی‌اصغر

 

گل زینبیـم آل اصغـریمی سینـوی داغلا

من اصغره چوخ آغلامیشام سن من آغلا

یورقوندی بالام وئرمیون الدن اله زینب

گهواریه سال بلکه یاتوب دینجله زینب

لبخنــد ویـروب زهـرلی پیکانه هوسدن

چالدی ال ایاق طایر جان چیخدی قفسدن

باشی آخنوب سوزدی گوزی دوشدی نفسدن

سیندی بو گوزل غنچه‌ده محنت بوداقیندان

ئوپـدوم بالامون قانلی یوزیندن دوادقیندان

اوّل باجــی آچ معجــروی باغلا یاراسین

اوندان گئدوب آگاه ایلیون بیکس آناسین

هیچ بیر آنا گورمز یارالی گورسه بالاسین

سن باخما ربابون بالا وای ناله‌سی گلمور

قورخـور اوتانام من ادبندن سسی گلمور

سـن دوش قباغـا باجی بو بیر امر ثوابه

لازمـدی تسلــی وئریلــه اینـدی ربابه

قلبیمده منیم وار سوزوم اول قلبی کبابه

دور منله گئداق گؤیلون آلاق دردی آزالسون

هـر درده دؤزوب دایـرۀ صبرده قالسون

زینب اول شهون خاطرینـه دوشدی قباقه

وئرسـون خبــر احـوالی او رنجور فراقه

اصغر آناسی سیلدی گؤزون دوردی ایاقه

تئز بولدی حسینون هدفین قلبی سیخیلدی

شاهــون ایاقـی آتـدا ذلیلانـه ییخیـلدی

 عرض ائتدی آقا مقصـدوی بولدیم ازلده

گتدیم اودی پیشوازیـوه جان نقدینی الده

وئرسون سنه حق یاخشی جزالر بوعملده

شرمنده کنیزون سودی یوخدی الی بوشدی

اصغر سنون اوغلوندی تسلی سنه خوشدی

قربان گـوزووه آغلامـا یاندیرما ربابی

اشـک غـم و ماتم له بویاندیرما ربابی

سن بول آناوین حقی اوتاندیرما ربابی

آخـر نـه تسلـی‌دی بـو ای کـان کرامت

اصغر سنون ایدی منه وئرمیشدون امانت

صبحه کیمی من بوگجه گؤزیاش المیشدیم

قنداقینـی تئزتئـز گـه آچوب گه بلمیشدیم

مین زحمتیلن بو گجه نـی صبح ائلمیشدیم

صبح اولدی گئجم حیف یامان گونلره قالدیم

آخـر قـوزی قربانـوی عطشـان یولاسـالدیم

گوردوم دوداقون قـانین ئوره‌کدن یارالاندیم

ششماهه بالام چخدی یادیمدان سنه یاندیم

اللهـدان اؤلـوم ایستـدیم از بسکه اوتاندیم

قربانلیقـا دیلسیـز بـالامـون قیمتـی یوخــدی

اؤلموشدی سوسوزدان سنه هئچ منتی یوخدی

 

شاعر:منزوی

 

زبانحال مادر علی‌اصغر

 

علی لایلای گلوم لای‌لای    سارالان سونبولوم لای‌لای

یانــا یانــا فغــان ائتمـه         قانـادسیز بلبلــوم لای‌لای

سنه لای‌لای اوزوم چاللام  قــادتوی جانیمــه آلـلام

یانوندا صبحه جک قاللام     سنـه قربان اوزوم چـاللام

منیم دیلسیز بالام لای‌لای

علـی چـوخ ایلمـه افغـان      سو یوخدور قالموسان عطشان

ســارالان رنگیــوه قربان         بیر آز یوخلا دیوم جان جان

منیم دیلسیز بالام لای‌لای

منــی بوقــدری یاندیرما         او گوزلــرون دولاندیرما

سودوم یوخـدور اوتاندیرما           امیدیم رشتــه‌سین قیـرما

منیم دیلسیز بالام لای‌لای

سوفکـرین گـوزلروندن آت            منــی آز دردوه آغــلات

دیـوم لای‌لای سنه بیریات    سرشگـون قانوه آز قـات

منیم دیلسیز بالام لایلای

بــو اهــل انجمـن تشنه      بیلـه اولدون نـدن تشنه

باجون شیرین‌سخن تشنه  بالاسـن تشنـه من تشنه

منیم دیلسیز بالام لای‌لای

حسین حقین دانور لشگر  اؤره‌گون اودلانور اصغر

دوداقــلارون یانور اصغر         گلــر اینــدی علـی‌اکبر

منیم دیلسیز بالام لای‌لای

نه دردون وار بولوم اصغر      گوزون یاشین سیلیم اصغر

دادیم دوزوم ائلیـم اصغر        سینار سن‌سیـز بئلیم اصغر

منیم دیلسیز بالام لای‌لای

 

شاعر:آذری

 


زبانحال امام در مصیبت علی‌اصغر

 

یانار اودلارا سالوبدور منی اهل شام الهی

سوسوز اوخلانوب الیمده سودامر بالام الهی

نجه تاب ائدر آناسی         گوره اوخلانوب بالاسی

آلیشوردی تشنه‌لیقـدان دوتوب اود الولانوردی

آناسی گوروب بوحالی چکوب آه اودلانوردی

چابالـوردی اللریمـده جگـری زبس یانوردی

سولی بیر اوخیله دلدن دوشوب اولدی رام الهی

یئری واردی نالم عرشه بوگون ای‌خدا اوجالسون

شـرر فغـان و آهیـم فلکـه شـراره سالسون

کومکیم کی یوخ کیمیم‌وار بالامی الیمدن آلسون

ستمیله آل هاشم قیریلیب تمام الهی

آناسیندان ایمدی آلدیم بونی مین دلیله یارب

نجه قیتروم من ایلوم اونا ایمدی کشف مطلب

بیچیلوب بوغازی قانی بدنین ائدوب مُخَضَّب

آناسیـن ملـر قویوبدور سپه لئام الهی

منی یاندورور بلورسن بالامین بواوخ یاراسی

گئده بولمورم خیامـه گلور آغلاماق صداسی

بالاسین بو نوع گورسه اؤزین اؤلدورر آناسی

بیر آنا مگر بو ظلمه گتورر دوام الهی

من امامم عالمینه بولوری بو قوم یکسر

عجب احترام ائدوللر منه بو گروه کافر

گهی آد قویولا یاغی گهی ناسزا دیوللر

منـی خارجی بـولورلر سپه ظلام الهی

 بو فــراتی ایلمیشـدون سـن الهـی مهر آنامه

ولـی وئرمـدی بو لشگر بیر ایچیم منیم بالامه

صف حشرده دوران گون‌ هامی صف بصف نظامه

اؤزون آل بو اشقیادن اوگون انتقام الهی

بو قدر جفـا روادور اولا بیـر غریب زاره

هامی یار و جان‌نثاری دو شه یئرده پاره‌پاره

بویانـا ستملـه قانه الی اوستـه شیرخواره

ائده‌لــر بنـی امیـه اونـی تلخکام الهی

 

شاعر:حسینی


موضوعات مرتبط: امام حسین(ع)وعاشورائیان
[ هشتم آذر 1390 ] [ 13:42 ] [ گدای درگه زهرا ] [ ]
.: Weblog Themes By WeblogSkin :.
درباره وبلاگ

گرگدای درگه زهرا مقام خویش را
برسریر سلطنت بخشد عجب دیوانه است
خودشناس ای سائل ازاین آستان سربرمدار
کاین گدایی درجهان خودمنصب شاهانه است
لینک دوستان
امکانات وب